Регеста: Kurtyka J. Materiały do repertorium podolskiego. Dokumenty z lat 1430-1447 // ejusdem Podole w czasach jagiellońskich. Studia i materiały / opr. Pawel Wilanowski. – Kraków 2011. – №16, с.455
Wladislaus dei gratia Rex Polonie Litwanieque princeps serenissimus et heres Russie significamus tenore presentium quibus expedit uniuersis, quomodo volentes ciuitatis nostre Camenecz defectibus et inopiis munificencia nostra prouidere et suffraagari de innata nostre celsitudinis clamencia omnibus ciuibus et mercatoribus predicte ciuitatis Camenecz talem concessimus et tenore presencium concedimus libertatem, quod uniuersi incole predicte ciuitatis nostre cum eorum mercanciis, cuiuscunque generis existant, per regnum, terras et dominia nostra ubilibet libere absque theoloneorum quorumcunque nostrorum solutione transire, stare, emere, vendere, deducere et morari possint de quaquidem solutione theloneorum predictorum ipsos absoluimus et liberamus per presentes hoc addicto specialiter et expresso, quod predicti ciues et mercatores nostri Camenecenses cum eorum mercanciis in Lemburg ultra quique dies moram facere non debeant neque sint astricti, sed completis predictis diebus cum ipsorum mercanciis de Lemburga libere ad nutum suum recedere poterunt et proficisci; vobis igitur omnibus et singulis capitaneis, burgrabiis, woywodis, aduocatis, consulibus, ciuibus, tributariis, theolonatoribus et officialibus nostris quibuscunque ubilibet in Regno nostro constitutis et consituendis fidelibus nostris dilectis presentibus requirentes districcius precipiendo mandamus omnio habere volentes, quatinus a predictis civibus et mercatoribus nostris nulla theolonea recipere et exigere audeatis quoquomodo gratie nostre sub obtentu secus facere non ausuri presentibus dumtaxat ad trium annorum continue se sequentium valituris harum, quibus sigillum nostrorum impressum est testimonio litterarum. Datum Sandomirie die Dominice Invocavit Anno Domini MCCCCXXXI. – relatio wenerabilis Wladislai de oporow r.P. vicecancellarii.
* * *
