Оригінал: ЦДІАУК. - ф.3955(стара нумерація). - арк.124;
Опубліковано: Архив Юго-Западной Россіи. - Ч.5. - Т.1. - с.187-189.
Опубліковано: Архив Юго-Западной Россіи. - Ч.5. - Т.1. - с.187-189.
Sabbato post festum sancti Bartolomei
Apostoli proximo anno Domini millesimo septingentesimo primo.
Ad officium et acta praesentia,
castrensia, capitan ealia, camenecensia Podoliae personaliter veuiens Michael Jastrembowski, obtulit et
officio praesenti ad acticandum porrexit privilegium S R. majestatis, super
nundinas in occursu cuiquelibet anni quatuor, tum theloneum in bonis oppidi Tłuste
in personam generosi Łos, subdapiferis terrae Leopoliensis collatum, per generosum
vero Michaelem Jastrębowski ad acticandum porrectum, de tenore sequenti:
Augustus Secundus, Dei gratia
rex Poloniae, magnus dux Lituaniae, Russiae, Prussiae, Mazoviae, Samogitiae,
Livoniae, Volhiniae, Podoliae, Podlachiae, Seweriae, Crernichowiae,
heraeditarius dux Saxoniee et princeps elector. Significamus praesentibus
litteris nostris, quorum interest, universis et singulis. Non tantum nos
publicarum curarum importantia fuisse implicatos, quod etiam privatis civium
nostrorum desideriis respondere nequeamus. Quamobrem su plicationi generosi Łos, subdapiferi terrae Leopoliensis,
ex palatinatu Russiae terrae ejusdem ad comitia presentia regni generalia
nuntii, benigne annuendo, in bonis ipsius haereditariis, oppido videlicet Tłuste, in palatinatu
Podoliae, districtu Camenecensi consistenti, de nova ad presens radice post
rehabitum, divina favente gratia, ab hostibus regno Podoliae cum aliis
provinciis, consurgenti, nundinas in decursu cuiuslibet anni quatuor: primas
videlicet post festum Epiphaniarum Domini secundas post festum Ascensionis
Domini, tertias in festo Salvatoris, vulgo na świętego Spasa, quartas post festum sancti Michaelis. Omnes has in
tempore festivitatum praecensitarum, juxta calendarium graeco-ruthenicum
incidentium, computando. Tum quoque foralia, alias targi, septimanatim,
qualibet feria secunda, idque quo meliori eorundem bonorum locatio et conditio
effici possit, celebranda et expedienda, constituendum esse duximus; prout
quidem jam ex nunc, citra quarumvis personarum impedimentum, in perpetuum
constituimus et ordinamus, ita, ut prefatus generosus, oppidi praefati haeres,
suis cum successoribus per suos delegatos, proconsules, consules, juxta bene
placitum suum creandos, atque nunc, ac post tempore existentes, omnes
utilitates, proventus et exactiones a quibusvis mercibus, pecoribus, equis ac
rebus quaecumque advehentibus, advenientibus, venum exposcetur: cendia (sic),
vulgo targowe, in praesentatis nundinis et foralibus, extra denique nundinas et
dies forenses — theloneum solitum aggerale, pontale,
pascuale a bobus, equis, vecturis, salis et quorumvis mercimoniorum curribus,
in fundo memorati oppidi Tbuste cum ejus adjacentiis percipiendi, exigendi ac
pro usu et commodo suo conservationeque praedicti oppidi convertendi praesentis
privilegii vigore, sine ulla a quibuscunque personis praepedi tione, plenariam
temporibus aeviternis habebit facultatem. Pro quibus liberum esse volumus
omnibus in universum hominibus, cujuscunque status, sexus, conditionis
existentibus, tum etiam quibusvis mercatoribus, negotiatoribus cum suis
mercibus, equis, pecoribus, frumentis, ac in genere cum quibusvis aliis
mercibus cujuscunque generis, tituli et nominis, tam ad victum, quam vestitum
et usum hominum pertinentibus, nec non et artificibus omnibus, quocunque nomine
vocatis, cum rebus, manu sua factis, et elabo ratis, venire, ibidemque,
quaequae illis usui forent, emere, vendere, res pro. rebus, ac merces pro
mercibus commutare, aliaque omnia negotia licita et honesta peragere et tradere
perpetuo et in sevum, ejusmodi securitate, ac si quilibet, pro iisdem nundinis
euntes, ibidem commorantes et rursus inde redeuntes, salvo conductu nostro
muniti esset, ea pace, quae nundinis aliorum locorum ex lege publica servit et
competit, quod omnibus, quorum interest, praesertim vero haeredibus,
possessoribus et tenutariis vicinarum ejusdem oppidi civitatum, tum etiam
magistratibus et villarum adiacentium incolis, aliisque in universum omnibus,
cuiuscunque praeeminentiae et conditionis hominibus, notum esse volentes,
mandamus, ut nulla ratione et respectu celebrationes earundem nundinarum ac
foralium in praefato oppido temporibus suprapositis impediant, nec, pro iisdem
nundinis euntibus et redeuntibus vim ullam et aggravationem, sub gravissimis
paenis, in legibus regni descriptis, inferre audeant, sed circa usum eorum
praesens privilegium nostrum memoratum oppidum, Tluste nuncupatum, conservent,
pro gratia nostra regia In cujus rei fidem, praesentes, manu nostra
subscriptas, sigillo regni muniri iussimus. Datum Varsaviae, in conventione
regni generali, die XII mensis Junii, anno Domini MDCCI, regni vero nostri anno
IV - Augustus rex. Locus sigilli majoris
cancellariae regni. Nundinarum, et foralium ad oppidum Tluste, in palatinatu
Podoliae, generoso Los, subdapiferi terrae Leopoliensis, collatio.
Maximilianus de Tęczyn Ossolinski, vexilifer Drohiciensis W. B., sigilli
majoris cancelariae regni secretarius, manu propria.
Немає коментарів:
Дописати коментар