Засвідчена копія: ЛННБ ім.В.Стефаника. Відділ рукописів, ф.103, спр.6682.
Augustus II, Dei gratia rex Poloniae, magnus dux Lithvaniae, Russiae, Prussiae, Masoviae, Samogitiae, Kiioviae, Volhyniae, Podoliae, Podlachiae, Livoniae, Smolensiae, Severiae, Czernichoviae; nec non haereditarius dux Saxoniae et princeps elector.
Significamus praesentibus literis
nostris, quorum interest, universis et singulis. Laudabilia proposita
subditorum nostrorum ad utilitatem et ornamentum Regni nostri collimantia nos
promovere, ac iis favere quaris occusione decet. Proinde cum generosus
Alexander Jablonowski, vexillifer Regni supremus, Buscensis, Korsunscensis etc.
capitaneus, vir de nobis et Republica optime meritus, villarum suam
haereditariam Kamien Czołhanski dictam in palatinatu Vołhiniae terra vero
Cremenecensi sitam calamitatibus nuperrimis penitus devastatam ad conditionem
meliorem redigere, praefatumque villam in oppidum Teofilpole nuncupandam
erigere et locare proposuisset, supplicassetque nobis ut super eo consensum
nostrum Regium concedere, praenominatumque oppidum libertatibus et
praerogativis more aliorum civitatum et oppidum in Regno nostro existentium
augere et exornare ex benignitate nostra Regia dignaremus nos supplicationi
eiusmodi benigne annuentes cupientesque praefata bona ad meliorem conditionem
reduci, consentiendum super hoc negotio
esse duximus, prout quidem consentimus preasentibus literis nostris –
dantes eidem generoso Jablonowski, vexillifero Regni plenam et omnimodam
facultatem villam praedictam Kamien Czołhanski in formam oppidi Teofilpole
dicendi, redigendi, fundandi, locandi, magistratus instituendi, aliaque omnia
et singula ad id requisita exequentes et perficientes ut autem dictum oppidum
Teofilpole maiora quam tocius summat incrementa, incolas eiusdem ex speciali nostra
gratia ad omnes libertates privilegia prerogativas et immunitates aliis civitatibus et oppidis Regni nostri a
serenissimis antecessoribus nostris regibus Poloniae concessas, admittimus,
aggeregamus, incorporamus, ac in visceramus, dantes et comedentes praefartis
incolis eiusdem oppidi Teofilpole omnes negotiationes et mercaturas tam varii
generis frumentorum quam aliarum quarumcunque in genere mercium liberam
exercandi facultatem. Praefata dicti oppidi commodis non minus privatis quam
publicis consultum et provisum esse volentes, mercatus publicos et nundinas seu
for a annualia ibidem indicentes et instituentes esse duximus, uti quidem
indicimus et instituimus praesentibus quatuor in anno nempe
Primas pri die
Secundas pro die
Tercias pro die
Et Quartas pro die
Forum ibidem septimanale alias targ
semel in septimana pro die quovis
perpetuis temporibus celebrandas liberum itaquae ac licitum esse volumus
omnibus eiuscunque status et conditionis ad praedictus nundinas cum mercibus ac
rebus suis non equis, bobus, aliisque pecudibus ac pecoribus venire, ibidemque
negotiari, emere, vendere, res pro rebus cummutare et alia eius generos in
publicis civitatum et oppidorum regni nostri mercatibus ac nundinis fieri
solita, licita et honesta expedire ac demum inde sine cuiusvis impedimento
redire, modo ii tales sint, quales jura publica fovere permittunt et quibus
bonorum consortium merito non est denegandum.
In quorum fidem praesentes manu
nostra subscriptas sigillo Regni communiri iussimus.
Datum Warschovae, die XX, mensis
martii, anno Domini MDCCXIX, regni vero nostri XXII.
____________________________________________________________________________________
Автор висловлює вдячність пані Світлані Боярчук за надані цифрові копії документу
