Регеста: MRPS V, №7473;
Заголовок копіїста: Confirmatio priuilegy oppidi Chmielnik.
//f.327// In nomine Domini amen. Ad perpetuam rei memoriam. Nos Sigismundus Augustus Dei gratia Rex Poloniae etc. Significamus etc. Exhibuerunt nobis oppidani nostri Chmielnicenses privilegium iuris sui Teutonici, in charta pergamena scriptum, divi olim parentis nostri, rubeo cerae sigillo appensum, salvum integrum et nulla in parte violatum. Qui nobis supplicaverunt, ut illud authoritate nostra Regia, approbare, confirmare et ratificare dignaremur. Cuius tenor est talis:
In nomine Domini amen. Ad perpetuam rei memoriam. Nos Sigismundus Dei gratia Rex Poloniae etc. Significamus tenore praesentium universis et singulis praesentibus et futuris harum notitiam habituris. Quod dum Proconsul et Consules oppidi nostri Chmielnicensis exposuerunt nobis, quod tametsi super praemissis antehac privilegium habuissent, rursum tamen saepe incursibus et invasionibus oppidi nostri Chmielnicensis Turcis et Tartaris, eiusmodi privilegium in bonis amiserit //f.327v// Itaque ius praedictum de novo per nos sibi dari humiliter petierunt. Nos tunc tametsi omnium subditorum nostrorum ad exauditionis gratiam admittat, id concedere passis, quod eorum ornamento et utilitati communi deservire videretur. Illos quoque qui ab hostibus nostris et Regni nostri damna crebro sustinent, munere gratia amplecti. Proinde nos volentes incolas praedicti oppidi Chmielnik, velut damna multa ex hostibus Scythis saepius perpessos in hac petitione ipsorum reddere consolatos, ipsis ac eorum oppido, prout id ipsum oppidum in suis metis et limitibus ex antiquo constituit, Ius Teutonicum, quod Maydenburgense dicitur, de novo dandum et concedendum duximus, damusque et concedimus per praesentes perpetuo duraturum. Removendo inde omnia iura Polonicalia, modos et consuetudines eius universas, quae ipsum Ius Teutonicum plerumque perturbare consueverunt. Eximentes et liberantes eosdem oppidanos et incolas dicti oppidi Chmielnik ab omni iurisdictione omnium et singulorum Castellanorum, Capitanorum, Tenutariorum, //f.328// Burgrabiorum, Vicegerentium, Iudicum, Subiudicum, Ministrorum, aliisque eorumque dignitatibus et officialibus Regni nostri, ut coram ipsis aut eorum aliquo pro causis magnis parvis sine poenis, puta furti, homicidii, incendii, mutilationis membrorum, et aliis enormibus rebus citati minime respondebunt, nec aliquas poenas solvere tenebuntur, sed coram Advocato dumtaxat suo. Advocatus vero pro tempore existens coram nobis aut nostro Iudice generali, literis nostris, sigillo nostro signatis citatus, si in administrando negligens aut remissus fuerit, Iure Teutonico de se quaerentibus respondere erit adstrictus. Cui Advocato pro tempore existenti in causis praedictis criminalibus et capitalibus, et membris inde emergentibus iudicandi, sententiandi, puniendi, plectendi et corrigendi, plenam damus et omnimodam facultatem, prout Ius Teutonicum in suis punctis, clausulis, conditionibus et articulis requirit. Iuribus tamen nostris per omnia salvis. In cuius rei testimonium sigillum nostrum praesentibus est appensum. Actum et datum Cracoviae feria quinta ultra octavam gloriosissimae //f.328v// visitationis Mariae. Anno Domini Millesimo quingentesimo decimo octavo. Regni nostri duodecimo. Presentibus Reverendis in Christo patribus Erasmo Plocen[sis], et Petro Parem[sis]? Curiae Regni nostri Vicecancellario Ecclesiarum Episcopis. Necnon Magnis nobilibus et Generosis Christophoro Palatino et Capitaneo Cracovien[sis] et Cancellario, Nicolao Castellano Sandomirien[sis], ac Thesaurario Regni nostri, germanis de Szidlowiecz. Nicolao Iordan de Zakliczin Castellano Voynicen[sis], magnoque procuratore Cracovien[sis], ac Capitaneo Oswieczimen[sis], Zatherien[sis] Capitaneo. Georgio Crupzki de Orchow Leopolien[sis], Stanislao Mwilizki? Vielunien[sis] Castellanis. Ioanne Czarnkowski Praeposito Sandomirien[sis], Andrea Krizki Praeposito Sancti Michaelis Plocen[sis] et Scholastico Posnanien[sis], Ioanne Conarski Archidiacono Cracovien[sis], et Cantore Sandomirien[sis] Curiae Cracovien[sis] Secretariis nostris. Stanislao Chrobinski vexillifero, scriba et pincerna, Stanislao Szawlowski Succamerario, nostris, et Jawichowski. Nicolao Tomiczki, Cozlow Capitaneis ac Tribuno Lancicien[sis] et Strubali, Dabro Zaliwski equinus Magistris, aliisque //f.329// Dignitariis, officialibus et aulicis nostris, sincere et fidelibus dilectis. Datum per manus eiusdem Reverendi in Christo patris domini Petri Episcopi Premisliensis, et Regni nostri Vicecancellarii, sincere nobis dilecti. Petrus Episcopus Vicecancellarius. Relatio eiusdem Reverendi in Christo patris domini Petri Episcopi Premisliensis et Regni Poloniae Vicecancellarii.
Supplicationi quoque oppidanorum modernorum benigne annuentes, literas praedictas approbamus, confirmamus et ratificamus. Decernentes easque robur debitae firmitatis obtinere debere. In quorum fidem et testimonium etc. Datum in Myschogoli die sedecima Junii. Anno quo supra. Praesentibus quibus supra.
Relatio ut supra.
Немає коментарів:
Дописати коментар