Оригінал: ЦДІАУК, ф.38, оп.1, спр.33, арк.489-491.
Coram officio actisque praesentibus castrensibus capitaneis camenecensibus podoliae comparens personaliter generosus Michael Bielski sanus recedendo recognovit, quia ipse suo, et generosae Constantiae de Witowice consortis suae legitimae pro cujus ratihabitione cavet, ac se praesentibus inscribit nomine vigore consensus sacrae regiae majestatis infrascripti, sibi recognoscenti et consorti suae ad infrascripta recognoscenda a sacra regia majestate benigniter, et gratiose dati, et collati, manu ejusdem sacrae regiae majestatis propria subscripti, et sigillo majoris cancellariae regni communiti, cujus tenor sequitur talis:
Joannes Casimirus dei gratia rex Poloniae, magnus dux Lithvaniae, Russiae, Prussiae Masoviae, Samogitiae, Livoniae Smolensciae, Czerniechoviaeque nec non Suecorum Gottorum Vandalorumque haeres rex.
significamus praesentibus literis nostris quorum interest universis, et singulis consensisse nos, et permisisse consentimusque et permittere praesentibus literis nostris generosis Michaeli, et Constantiae Bielskim conjugibus ut possint, et valeant, de omni jure suo advitalitio, quod sibi super villam Jeziorzany in palatinatu Podoliae et districtu Camenecen. sitam servit cedere, illudque in personas generosorum Joannis, et Agnetis Chruściński conjugum totaliter, et plenarie transfundere. quae quidem cessio jurisque transfusio posteaquam coram actis quibusvis regni authenticis facta, et recognita fuerit, eam nos ratam, et gratam acceptari sumus, uti eam quae de consensu nostro peragetur.
vigore cujus quidem cessionis, ac praesentis consensus nostri dicti generosi conjuges memoratam villam Jeziorzany dictam cum omnibus subditis, hortulanis, inquilinis, tumque eorum laboribus censibus nec non taberna, molendinis sylvis piscinis, agris, pratis campis commodis emolumentis, caeteris denique attinentiis, et pertinentiis antiquitus ad eandem villam spectantibus nullis penitus exceptis tenebunt, et possidebunt ad extrema vitae suae eorum superstitis tempora.
promittentes pro nobis, et serenissimis successoribus nostris nos, neque serenissimos successores nostros ab usu, et pacifica possessione alterutrum eorum amoturos, neque amovendi potestatem cuiquam daturos, sed salvum, et integrum jus advitalitium ipsis conjugibus conservaturos, idemque serenissimi successores nostri praestabunt. ratione cujus advitalitii rotam quotannis ex vigore legum publicarum duplicem proventuum quartam partem inferre tenebuntur juribus quoque nostris regalibus reipublicae ecclesiae catholicae salvis.
in cujus rei fidem praesentes manu nostra subscriptas sigillo regni communiri jussimus. datt Varsaviae die trigesima mensis junii anno domini mdclxviii. regnorum poloniae et sveciae xvii.
Stephanus Hankiewicz secretarius regiae majestatis joannes casimirus rex locus sigilli majoris cancellariae regni.
originale vero offerenti mediante ipsius quietatione, est extraditum. de omni, et integro jure suo advitalitio videlicet de villa Jezierzany in palatinatu podoliae jacenti, et consistente cum omni bonorum eorundem jure dominio, proprietate, propinquitate, utilitatibus, fructibus, proventibus, redditibus, attinentiis, et pertinentiis, tum agris, pratis, campis, sylvis, borys, gajis, rubetis, mericis, indaginibus, fenistructionibus, apibus, apisterijs, mellificiis, stagnis, piscinis, lacubus, paludibus, aquisque earumque decursibus, tum subditis cmethonibus, hortulanis, inquilinis eorumque laboribus, censibus, dationibus tributis, obventionibus, commodis, emolumentis generaliter universis, et singulis, nihil sibi suisque successoribus reservando seu excipiendo.
jam ex nunc, et de facto generoso Joanni Chruściński, et Agneti Niewiarowska conjugibus legitimis cedit, et condescendit, omneque et integrum hoc jus suum advitalitium, ac ipsissorum competentiarum spectat et pertinet et in personam eorundem generosorum chruścińskich conjugum transfert, transfundit, et incorporat plenarie, et ex integro.
dans, et concedens ipsisque generosis Chruścińskim conjugibus cessionariis suis, plenariam, et omnimodam potestatem jure eorum ipsorumque per se cesso, et transfuso bonis ipsis villae Jezierzany utifruendi, ac in suos suorumque successores quosvis beneplacitos usus libere convertendi in quod quidem jus suum ipsis per se cessum villam Jezierzany supradictus recognoscens, eisque generosis cessionariis suis intromissionem admittit.
vigore ipsorum cessi, et transfusi juris, seu advitalitii, ac consensus praefati. hac personali etiam ad acta comparitione, ad praemissa mediante. praeterea idem recognoscens mediante supradicto recessu de bonis suis quibuscunque omnibus inscribit, et submittit memoratam generosam constantiam witowska consortem suam legitimam ad approbandum eandem inscriptionem cessionariam, vel aliam similem in forma juris recognoscendam ad acta castri premysliensis vel alia quaevis authentica regni statuere, in decursu quatuor septimanarum statuere, antequam statuerit ab omni impedimento eximere, et eliberare. idque sub vadio quatuor millium florenorum polonicalium. forum judicii capturalis camenecensis, et officii praesentis.
Michał Bielski swoim y małżonki imieniem podpisuję ręką.
Немає коментарів:
Дописати коментар