Копія: AGAD, MK 17, f.177v-178, підтвердження від короля Олександра в 1503 році там же f.361, копія грамоти була вписана в 1616 році в кам’янецьку земську книгу (ЦДІА в Києві, ф.37, оп.1, спр.34, арк.237)
Опубліковано: Архив Юго-Западной Россіи. Часть 8. Том.1. - с.27-30. - №18
Регеста: MRPS II, №1305: Rex ad instantiam Mathiae quondam Camenecensis, nunc vero Chelmensis episcopi privilegium super bona mensae episcopalis Camenczensis, videlicet, castrum et oppidum Czarnokosnycze ac villas Cosovycze, Mykulyncze, Voskrzesencze, Zalesye, Nyewra Maior, Nyewra Minor, Voythowcze, Mychalkow, Uscze, Pusze, Zyrkowcze, in Camenecensi, oppidum et villas Czyrucz, Zagorze, Bysmyesczany, Nychynya, Chropotowa, Denkowcze, Noschakowcze alias Wythna, in Smotriciensi, Karczmarzowcze, Popowcze, Vaszylowcze, Hawdykowcze, Ranczyncze et Mykulyncze in Rowensi districtibus in terra Podoliae, ac Pszonna in Vynnyciensi.... et Mathnowcze in Braczlaviensi districtibus ab Alexandro alias Wytholdo duce donata, innovat.
Заголовок: Bona villarum infrascriptarum episcopatus camenecensis innovantur.
In nomine Domini. Amen. Ad perpetuam rei menoriam. Regia dignitas et omnium principandum auctoritas, tanquam universorum sibi subjectorum debitrix atque patrona, non solum commodari consuevit negociis et ordinationibus novis, verumetiam vetustis, casu quocunque sive labentibus sive infertis aut in nichilum redactis, restaurationis patrocinium praestitura est. Quod quidem etsi cuilibet subjectorum libenter atque jure impendat, tam libentius atque ferventiori dovotiorique quodam more ecclesiarum personis locis quoque sacris, in quibus summi Dei fit cultus et veneratio, et casuris subvenire et cadentia anicbilataque restaurare debet. Proinde nos Joannes Albertus, Dei gratia rex Poloniae necnon terrarum Cracoviae, Sandomiriae, Siradiae, Lanciciae, Cujaviae supremus dux, Lithwaniae, Russiae, Prussiae ac culmensis et elbigensis, Pomeraniaeque dominus et haeres etc., significamus tenore praesentium quibus expedit universis, praesentibus et futuris, harum notitiam habituris, quia reverendissimus in Christo pater dominus Mathias, condam (sic) nunc vero chelmensium cathedralium episcopus ecclesiarum, exposuit coram majestate nostra, quod superiori tempore, cum illi camenecensi praesideret ecclesiae, privilegia fundationis episcopatus illius, et praesertim super bona et villas mensae episcopalis, casu quodam per ignis voraginem fuerint conflagrata et in favillam redacta, multis tamen fide dignis probabile esset, que ac quot fuere ad mensam praedictam pertinentes, quarum denominationes nobis exhibuit et testimoniis docuit fide dignis, eas videlicet esse: castrum et oppidum Czarnokosnycze ac villas Cosovycze, Mykulyncze, Voskrzesencze, Zalesye, Nyewra maior, Nyewra minor, Voythowcze, Mychalkow, Vscze, Pusze, Zynkowcze — in Camenecensi, oppidum et villa Czyrucz, Zagorze, Bysmyesczany, Nychynya, Chropotowa, Denkowcze, Noschakowcze, alias Voythna — in Smotricensi, Karczmarzowcze, Popowcze, Vaszylowcze, Hawdykowcze, Kanczyncze et Mykulincze — in Rovensi discrictibus, in terra vero Podoliae regni nostri sita atque sitas, ac Pszonna in Vinniciensi et Mathnowcze in Braczlaviensi similiter districtibus magni ducatus vero Lithvaniae, quae etiam, ut ex testimoniis ipsis recepimus, fuerant simtque ipsi ecclesiae per olim illustrissimum Alexandrum Vytholdum, nostrum in eo ipso magno ducatu Lithvaniae antecessorem, donatae. Propter quod ipse dominus Mathias episcopus habuit nos supplicanter rogatos, ut privilegium super eadem bona novum ecclesiae camenecensi et episcopo illius pro tempore existenti concedere dignaremur. Unde nos, testimonio super id sufficienti recepto, praesens novum privilegium nostrum ecclesiae praedictae superius, quoque pro tempore existenti episcopo camenecensi super bona et villas praedictas mensae episcopoli camenecensi praedictae de consilio consiliariorum nostrorum universorum, nobiscum hic agencium, dandum et concedendum atque bona et villas praedictas mensae episcopoli camenecensi praedictae denuo appropriandas et inscribendas duximus, appropriamusque et inscribimus tenore praesentium mediante in perpetuum per reverendissimum in Christo patrem modernum ecclesiae illius electum confirmatum et ipsius successores, episcopos camenecenses, bona praedicta universa, oppida videlicet atque villas, cum omnibus et singulis bonorum, oppidorum et villarum eorundem teloneis, introitibus, oppidanis, advocatis, scultetis, kmethonibus, ortulanis, colonis, tabernatoribus, molendinatoribus, servis, inquilinis, incolis sexus utriusque, curiis, domibus, aedificiis, tabernis, coloniis, ortnlaniis, molendinis, advocatiis, scultetiis, areis, oreis, allodiis. praediis, frumentis, acervis, agris, pratis, campis, seminibus, segetibus, pascuis, graminibus, graminetis. feralibus, silvis, pomeriis, borris, gaiis, rubetis, quercetis, pinetis, frnctetis, arundinetis, indaginibus, mellificiis, alveariis, apibus et meile ex eis proveutienle, venationibus, aucupiis, lacubus, paludiuibus, piscinis, piscinulis, vinariis, piscaturis, piscibus, fluviis, fluminibus, rivis, torrentibus, gurgitibus, aquis et earum decursibus, molendinis aquaticis, equestribus, ventilibus, manualibus et eorum emolumentis, censibus, laboribus, daciis, servitiis, oneribus, onoribus, angariis, vecturis, fructibus, redditibus et universis pertineutiis, ail oppidum castrum et villas praedictas ex antiquo spectantibus, ita late, longe et circumferen- tialiter, prout oppida, villae, bona et castrum praedicta ex antiquo consistunt, ac sic, ut eadem bona tam ipse dominus Matinas, tunc camenecenseiu episcopatum gerens, quam ceteri ejus praedecessores tenere, habere et possidere consueverunt, tenendum, habendum, possidendum, utifruendum, dandum, donandum, alienandum, commutandum, resignandum et pro ecclesiae mensaeque episcopalis illius utilitate meliori, nostro tamen et successorum nostrorum ac capituli ecclesiae camenecensis consensu accedente, convertendum in perpetuum. Quae quidem bona, oppida, castrum et villas ab omni jurisdictione, potestate et oneribus seculari secularibusque expeditioneque bellica eximimus ac eosdem eisdem libertate et praerogativis utifrni gaudereque volumus et decernimus, quibus ex antiquo gaudere consvevenmt ac quibus ecclesiarum episcopalium bona in regno nostro gaudent et fluuntur de jure vel consvetudine, aliis insuper induitis regalibus et ducalibus, ipsi ecclesiae antea concessis, quo ad haec bona per omnia salvis, imo etiam per nos praesentibus roboratis, tenore praesentium mediante, in perpetuum. In cujus rei testimonium sigillum nostrum est praesentibus subappensnm. Actum Sandoiuiriae in conventione die festi sancti Miehaelis archangeli anno Domini millesimo quadringentesimo nonagesimo octavo, praesentibus ibidem illustrissimo principe reverendissimisque et reverendis in Christo patribus dominis Frederico divina miseratione sacrosanctae romanae ecclesiae tituli sanctae Luciae in septem soliis praesbyteri cardinali, archiepiscopo gnesuensi et primate et episcopo cracoviensi, Anilrca Roza archiepiscopo leopoliensi etc. Relatio reverendissimi in Christo
patris Creslai, episcopi vladislavieiisis et regni Poloniae cancellarii.
