вівторок, 16 березня 2021 р.

Король Михайло Корибут Вишневецький зберігає за подружжям Гієроніма та Йоанни Лянцкоронських доживотнє володіння запустілим селом Летава, що з давна належить до держави Скальської. Варшава, 24 грудня 1670 року

 Копія: AGAD, MK 209, f.417-417v.

Заголовок: Conservatio circa villam Latawa in capitaneatu Camenecensi gg.Lanckoronskich coniugum.

 Michael, Dei gratia rex Poloniae etc. Significamus etc. quia nos singularem habentes rationem generosi Hieronymi de Brzezie Lanckoronski succamerary Podoliae faciendum duximus, ut eundem circa usum et pacificam possessionem villa deserta Latawa dicta ad tenutam Scalensem ex antiquo spectantium in capitaneatu vero Camenecensi Podoliae consistentis conservaremus et manuteneremus prout quidem ex plenitudine potestatis nostra supplendo defectus quosuis si qui reperiri poterant, conservamus et manutenemus presentibus literis nostris. Quam quidem villam Latawa dictam cum omnibus agris, pratis, campis, sylvis, commodis et emolumentis antiquitus ad eandem villam spectantibus, tumque cum subditis si gui sunt vel haberi possunt, censibus, eorumque laboribus, taberna, molendinis, aliisque omnibus attinentiis et pertinentiis ex antiquo servientibus, nullis penitis exceptis, tam praedictus generosus Hieronymus de Brzezie Lanckoronski et generosa Joanna Cetnerowa coniuges ambo in solidum coniunctim sive divisim tenebunt, habebunt et possidebunt sive alteruter eorum superstes tenebit, habebit et possidebit ad eztrema vitae suae sive alterius supertitis tempora. Promittentes nostro et serenissimorum successorum nostrorum nomine non esse neque serenissimos successores nostros ab usu et pacifica possessione praedicta villae Latawa eiusdemque attinentiarum amoturos neque amovendi potestatem cuipiam daturos sed salvum et inteorum jus advitalitium utrisque in solidum coniunctim sive divisim conservaturos. Quod et serenissimi successores nostri praestabunt. Ratione  cuius advitalitatis duplicem quartam proventuum partem ex praescripto legum publicarum Ravam quottanis stato tempore inferre tenebuntur. Juribus nihilomimis nostri, Reipublicae et eccclesiae catholicae salvis manentibus.

In cuius rei fidem praesentes manu nostra subscriptas sigillo regni communiri iussimus. Datum Varsaviae die XXIV mensis decembris anno Domini MDCLXX, regni vero nostri primo.

 Michael rex

Locus sigilli regni cancellariae minoris. Stanislaus Buzenski, gnesnensis varmiensis canonicus regens cancellariae regni.

Немає коментарів:

Дописати коментар