Публікація тексту з оригінальної грамоти Волянським: Додаток до Газети Львівської. - 1855. - №29. - с.116.
In nomine Domini amen. Ad perpetuam
rei memoriam. Nos Sigismundus dei gratia rex Polonie, magnus dvx Lithuanie,
necnon terrarum Cracovie, Sandomirie, Siradie, Lancicie, Cviauie, Russie,
Prussie, Cvlmensis, Elbingensis, Pomeranieque etc. dominus et heres.
Significamus tenore presentium quibus expedit vniuersis et singulis presentibus
et futuris harum noticiam habituris, quia generosus Nicolaus Herborth de
Felstin, tribunus Camenecensis fidelis noster dilectus suo et vxoris sue
nobilis Elizabeth nominibus nobis supplicauit vt in opido Cudryncze in terra
Camenecensi sitto duo for a annalia et septimanale instituere dignaremus. Nos habentes
racionem fidelium seruiciorum dicti generosi Nicolai Herborth quibus nobis et
Reipublice in terris Russie et Podolie agens multipliciter se reddit commendatum,
quapropter in eodem opido Cvdryncze duo annalia for a vnum pro festo Sancte
Margarethe virginis et martiris, aliud pro festo Exaltacionis Sancte Crucis,
septimanale vero singulis ferijs quartis de speciali gratia et certa scientia
nostra indicendum et instituendum duximus, indicimusque et instituimus
presentibus perpetuo duratura ab omnibus et singulis hominibus vtriusque sexus,
status et condicionis cuiuscunque, absque tamen preindicio et iactura ciuitatum
et opidorum in terra predicta Camenecensi consistentium celebranda et exercenda
id que more aliarum ciuitatum et opidorum damus et concedimus plenam potestatem
vectoribus, mercatoribus et quibuscunque hominibus at opidum predictum gratia
cuiuslibet fori veniendi, standi, morandi ibidem, res et mesces quascunque
omnis coloris et materiei exponendi, vendendi; res pro rebus cambiendi. Alia que
negotiationis et mercature genera exercendi et disponendi, nostra et nostrorum
subditorum libertate fulciti nisi tales sint quos iura non tuentur et quibus
consortia fidedignorum merito denegantur.
In cuius rei testimonium sigillum nostrum
presentibus est appensum. Actum in conuentione generali Cracouiensi, feria
tercia in vigilia Sancti Mathie Apostoli, anno Domini mollesimo quingentesimo
decimo octauo, regni vero nostri anno duodecimo.
Presentibus ibidem reuerendissimis
et reuerendis in Christo patribus dominis Joanne de Lasko, Gnesnensi et Sedis
Apostolice legato nato et primate Bernhardino, Vilczek de Lubienye, leopoliensi
archiepiscopis, Joanne de Conari, Cracouiensi, Mathia de Drzeuicza,
Wladislauiensi, Erasmo, Polocensi, Petro Thomyczkj, Premisliensi et regni
nostri vicecancellario Joanne Co….opeczkj, Culmensi et terrarum Prussie
thesaurario et Jacobo de Buczacz, Camenecensi episcopis, necnon magnificis,
generosis et venerabilibus: Spithcone de Jaroslaw, castellano, Cristoforo de
Sczidlowiecz, palatino et capitaneo Cracouiensibus ac Regni Polonie
cancellario, Nicolao de Ludbrancz, Posnaniensi, Nicolao de Dambrowicza,
Sandomiriensi, et regni nostri exercituum capitaneo generali, Jaroslao de
lasko, Siradiensi, Joanne Zaramba de Calinova, Calisiensi, Andrea de Thaczin,
Lubliensi, Otta de Chodecz, Russie, Martino de Camyanyecz Podolie, Nicolao
Spoth de Craiow, Pomeranie, Georgio de Bayzen, Marienburgensi, Nicolao de
Pilcza, Belzensi, Jarando de Bruzew, Lanciciensi, Andrea de Nischczencze,
plocensi et Prandothe de Zelazna, Rauensi palatinis; Nicolao de Schidlowiecz,
Sandomiriensi et regni nostri thesaurario, Nicolao Jordan de Zakliczin,
Voynicensi, Georgio Crupsi de Orchow, Leopoliensi, Joanne Bochotnyczky de
Oleschnycza, Visliciensi, Adam de Drzevicza, Radomiensi, Stanislao de Sprowa,
Zarnouiensi et Stanislao de Mielecz, Zauichostensi castellanis; Stanislao de
Chodecz, Leopoliensi, et regni nostri marsalco, Petro Kmitha de Visznycze,
Premisliensi, Stanislao de Pilcza, Sanocensi et Joanne de Pilcza, Lublinensi
capitaneis; Joanne Lathalski, Gneznensis, Cracoviensis et Lanciciensis
ecclesiarum preposito Stanislao Goreczki, preposito Caliciensi et custode
Plocensi, Andrea Crziczki, scholastico, Poznaniensi et Cracouiensi, Stanislao
Tharlo, archidiacono Lublinensi et Cracouiensi et Stanislao Oleschyczki,
Gneznensi canonicis secretarys nostris, Petro de Zborow, regni nostri incisore,
Siluestro Ozarowskj, succamerario, Stanislao Chroberski, subpincerne et Derslao
Zalywskj, magistro coquine curie nostre, et aliis quam plurimis dignitariis
officialibus ac curiensibus nostris ad premissa testibus fidedignis sincere et fidelibus
nostris dilectis.
Datum per manus eiusdem magnifici
Cristofori de Schidlowiecz, palatini et capitanei generalis Cracouiensis ac
regni Polonie cancellarii, tum Siradensis noue ciuitatis Corczin,
Sochaczouiensis, Gostinensis etc. capitanej.
Relacio magnifici Cristofori de
Schidloviecz, palatini et capitanei
generalis Cracouiensis ac regni
Polonie cancellarii.
Christoforus de Szydlowiec, palatinus et capitaneus
Cracoviensis ac regni Polonie cancellarius subscripsit
