Ex decreto judicii
terrestris camenecensis famati proconsul cum consulibus advocatus et scabini
totaque communitas oppidi Scala
debent ac tenebuntur evadere medio corporali juramento contra generosam Drusiannam Potoczka, relictam olim
generosi Jacobi Potoczki, succamerarii
haliciensis, viliae Pothfilypye haeredem
actricem, in hunc modum formam et rotam juramenti, quia ipsi laboriosum Luczka cmetonem ipsius de villa Pothfilypye profugum in oppido Scala
non habent neque ipsum citatio in oppido Scala
pervenit, ita ipsos Deus adiuvet et sancta crux. Similiter occasione laboriosi Lazurecz debent evadere in eandem rotam
juramenti quod est suspensus pro ipsius latrocinio et quod uxorem non habent et
neque pueros, ita ipsos Deus adiuvet et sancta crux. Et habent habebuntque partes
praefatae terminum juramenti in terminis proximis terrestribus proxime in
Camyenyecz celebrandis iuxta ipsarum partium citationem praesens decretum
juramenti conservationem termini praesentis et iuxta acta praesentia.
Опубл.: Bialkowski L. Podole w XVI wieku: rysy spoleczne i gospodarcze. - Warszawa, 1920. – s.204
ЦДІАУ в Києві. - Ф.37 (Кам’янецький земський суд). -
